چیز استه؟telehealth
مثل وعده ملاقات حضوری وری استه telehealth.
شیمو متخصصای صحی خوره د یک صفحه ویدیویی خواد دیدید و با استفاده از بلندگوها و گوشکی ها صدای شی ره خواد شنیدید.
اونا هم می تنن شیموره بنگرنن و صدای شیم ره بشنون.
از متخصص صحی خو پرسان کید که اگه telehealth یک گزینه خوب بلده شیم باشه.
طریقه استفاده telehealth
مو از telehealth بلده موارد زیر استفاده مونیم:
* وعده ملاقات های سرپایی
* د وعده ملاقات مریضا د خانه شی
* بازدید داکترا از مریضای داخل بستر
* حمایت و مشوره عاجل
* انتقال ددون مریضا د بین شفاخانه ها.
اگه شیموره به شفاخانه معرفی کد، د باره استفاده telehealth پرسان کید.
چره مه باید telehealth ره انتخاب کنوم؟
شیمو می تنید ک telehealth قد:
* مراقبت ره آسوتر دریافت کنید
* وقت زیادتر بلده کار و دیگه مصروفیتای خو دیشته باشید
* وقت کمتر ره د رفت و آمد وعده های ملاقات خو مصرف کنید
* اگه مریض شونید یا مجبور به قرنطینه شونید، هنوزم می تنید وعده ملاقات خوره از دست ندید
* از یک نفر از فامیل، مراقبت کننده یا دوست خو بخوایید که شیموره وصل کنه.
وعده های ملاقات telehealth ایمن استه، و مالومات شیم از خطر دوره.
چطور از telehealth استفاده کنید
بلده ازیکه بوفامید بلده یک وعده ملاقات.
د خانه
اگه وعده ملاقات telehealth خوره از خانه انجام میدید، به موارد زیر نیاز دیرید:
* یک کمپیوتر، تبلیت یا تلیفون هوشمند که کامره دیشته باشه
* اینترنت یا وای فای (WiFi)
* یک گوشکی یا بلندگوی.
توسط انجام ددون یک تماس آزمایشی می تنید چیک کنید که آیا telehealth روی دستگاه شیم کار مونه یا نه.
شیمو باید تصویر خود خوره بینگرنید و صدای خود خوره که توره موگید بشنوید.
د یک کلینیک صحی یا د معاینه خانه داکتر فامیلی خو
اگه نمی تنید وعده ملاقات خوره د خانه انجام بیدید، می تنید د کلینیک صحی محلی خو یا معاینه خانه داکتر فامیلی خو انجام بیدید.
کارمندا می تنن شیموره قد وسایل ویدیوکنفرانس کمک کنن.
یک پرستار شاید بی تینه د اطاق قد شیم بیشیه و د جریان وعده ملاقات ویدیویی قد شیم کمک کنه.
پیش ازیکه وعده ملاقات شیم شروع شونه، پرستار بلده شیم موگیه که د جریان تماس ویدیویی چی توقعی می تنید دیشته باشید.
اونا شاید فشار خون، درجه حرارت بدن شیم ره چیک کنه و تستای دیگه انجام بیدیه.
بعد از وعده ملاقات متخصص صحی شیم سوابق صحی شیم ره به ثبت خواد کد.
چی رقم بلده یک وعده ملاقات telehealth آماده شونیم
پیش از وعده ملاقات شیم:
* مطمئن شید که د یک جای خاموش و امن باشید
* دستگای خوره چارج کید
* دوایی یا یک لیستی از دوایی خوره قد خو دیشته باشید
* هر رقم نتیجای تست خوره قد خو دیشته باشید
* سوالایی ره که می خوایید پرسان کنید نوشته کید.
طریقه وصل شدو به یک telehealth
دریافت کیدون وعده ملاقات:
بلده وعده ملاقات خو از کلینیک یک ایمیل یا پیام کتبی قد یک لینک ویدیویی دریافت خواد کدید.
تست کیدون دستگای شیم:
توسط انجام ددون یک تماس آزمایشی می تنید چیک کنید که آیا telehealth روی دستگاه شیم کار مونه یا نه.
شیمو باید تصویر خود خوره بینگرنید و صدای خود خوره که توره موگید بشنوید.
شروع کیدون وعده ملاقات شیم:
بلده شروع کیدون وعده ملاقات خو لینکی ره که از طریق ایمیل یا پیام کتبی بلده شیم امده واز کید.
اجازه ددو به تنظیمای دستگاه:
وقتی از شیم پرسیده شد، به دستگای خو اجازه بیدید که از میکروفون و کامره استفاده کنه.
وصل شدو به وعده ملاقات:
وقتیکه متخصص صحی شیم آماده شد که شیمو ره بنگرنه ، د بله صفحه نمایش شیم ظاهر موشه.
مو چی رقم می تنیم شیموره کمک کنیم که به telehealth وصل شونید
اگه به دسرستی به telehealth به کمک نیاز دیرید، مو می تینم شیموره کمک کنیم.
کمک خدمات ترجمانی
اگه د توره گفتو و فامیدون انگلیسی به کمک نیاز دیرید، مو خدمات ترجمانی مجانی فراهم مونیم.
فراهم مونیم (Auslan) مو ترجمانای شفاهی و ترجمان د زیبون اشاره.
اگه می خوایید د جریان وعده ملاقات خو یک ترجمان قد خو دیشته باشید، موره خبر کید.
اونا می تنن از طریق ویدیو وصل شونن یا د کلینیک قد شیم باشه.
حمایت بلده مردمای بومی یا جزیره نیشنای تنگی تورس
اونا می تینن یا قد شیم به طور حضوری بیشیه یا با استفاده از لینک قد شیم د وعده ملاقات وصل شونه.
حمایت تخنیکی
اگه به حمایت تخنیکی نیاز دیرید، به میز کمکی telehealth د شماره 1800066888 تماس بیگرید.
مشکلات تخنیکی عمومی
دریافت نکدید telehealth شمو یک لینک:
* پیش از وقت وعده ملاقات خو یک لینک بلده وصل شدو دریافت خواد کدید.
* اگه د وقت وعده ملاقات شیم فقط 15 دقه منده و هنوزم لینک ره دریافت نکدید، بلده کلینیک خو زنگ بزنید.
وقتی دستگای شیم موگیه میکروفون یا کامره اجازه دده نشده:
* وقتیکه پرسیده شد بلده کامره و میکروفون گزینه «Allow» ره انتخاب کید.
* به تنظیمات دستگای خو بورید و بلده کامره و میکروفون گزینه «Allow» ره انتخاب کید.
اگه شیمو نفرای دیگه ره نمی بینید یا صدای شی ره نمی شنوید، یا اونا نمی تنن شیموره ببینن یا بشنون:
* صدای دستگای خوره بلند کید و بلندگو یا گوشکی های خوره وصل کید.
* کامره و میکروفون خوره روشن کید.
وعده مالقات ویدیویی از طریق telehealth از خانه (PDF, 595 KB)